ప్రస్తుత భారత రక్షణ వ్యూహంలో విప్లవాత్మక మార్పు కనిపిస్తోంది. గత దశాబ్దాల్లో కాంగ్రెస్ ప్రభుత్వ హయాంలో సైన్యం అనేక పరిమితుల మధ్య ఉండేదని, ఉగ్ర దాడులు జరిగినప్పుడు దీటుగా స్పందించడానికి ‘రాజకీయ పచ్చజెండా’ కోసం నిరీక్షించాల్సి వచ్చేదని రక్షణ నిపుణుల విశ్లేషణ. కానీ, 2014 తర్వాత బిజెపి నేతృత్వంలోని ప్రభుత్వం ‘ఫ్రీ హ్యాండ్’ పాలసీని ప్రవేశపెట్టడంతో, భారత సైన్యం తన విశ్వరూపాన్ని ప్రదర్శిస్తోంది.
సర్జికల్ స్ట్రైక్స్, బాలాకోట్ ఎయిర్ స్ట్రైక్స్ ద్వారా శత్రువు ఇళ్లలోకి దూరి కొట్టడం ప్రారంభమైంది. పాకిస్తాన్ ప్రేరేపిత ఉగ్రవాదం వల్ల భారత్ వేలమంది వీరజవాన్లను, అమాయక పౌరులను కోల్పోయింది; ఈ నష్టానికి శాశ్వత పరిష్కారం కేవలం రక్షణ కాదు, వ్యూహాత్మక ఆక్రమణే అని ఇప్పుడు సైనిక వర్గాల్లో వినిపిస్తున్న మాట. ఆర్మీ చీఫ్ జనరల్ ఉపేంద్ర ద్వివేది వంటి ఉన్నతాధికారుల దృఢ సంకల్పం చూస్తుంటే, ‘ఆపరేషన్ సింధు 2.0’ వంటి ప్రతిపాదనలు భవిష్యత్తులో నిజం కావడం అసాధ్యమేమీ కాదనిపిస్తుంది. శత్రువు భూభాగంపై భారత త్రివర్ణ పతాకాన్ని ఎగురవేయడమే లక్ష్యంగా, ఆధునిక ఆయుధ సంపత్తితో ప్రపంచంలోనే అత్యంత శక్తివంతమైన దళాలలో ఒకటిగా మన ఆర్మీ దూసుకుపోతోంది.